隱形眼鏡直徑有分為鏡片DIA直徑和G.DIA著色直徑兩種 就等我地一齊嚟了解呢兩者的區別 以及如何選擇合適自己的隱形眼鏡直徑啦🫰🏼
了解着色直徑前 首先要先了解咩係實際直徑✨
實際直徑 （DIA係指整個鏡片平鋪的直徑 佢指嘅係con嘅全部包括埋透明圈冇顏色嘅部分 一般市面上嘅con包裝上標記嘅都係指實際直徑 常見直徑分別為14.0、14.2、14.5等等…目前市面上正規隱形眼鏡直徑都係13.8~14.5mm範圍之間～
咁咩叫著色直徑？
著色直徑G.DIA顧名思義就係鏡片上著色地方嘅直徑大小 所以著色直徑就係決定con佩戴出來的大小效果 著色數值越大 大眼效果就會就越勁 戴起嚟嘅話眼珠部分嘅顏色面積更多 而眼白的面積就會更小～
著色直徑千萬就唔好以為越大就一定越好 如果眼睛偏小嘅人係唔適合戴著着色直徑好大嘅con㗎 除咗望落去可能會ET眼 亦都可能造成眼角膜不適 因此一定要根據自己的眼睛大細使用合適嘅著色直徑✨
此外有時候我地都可能會遇到呢種情況～明明選擇嘅係相同的直徑 但係佩戴出嚟嘅效果確明顯唔一樣 其中一款可能更顯眼大 擴瞳效果更好 呢個基本上就係因為鏡片的著色直徑不同而造成啦👀🫰🏼